Parliament dan siam, The Commission for Protection of Child Rights Act, 2005 ina a siam angin National Commission for Protection of Child Rights (NCPCR) chu March, 2002 khan India ramah din a ni a. He Commission din a nih chhan ber chu India ram dan pui (Constitution) leh United Nations Conventions on the Rights of the Child (UNCRC) ina naupangte dikna leh chanvo a tarlan te tih hlawhtlin a nih theih nan a hma la tur a tih a ni.
MSCPCR hi Parliament dan siam, The Commission for Protection of Child Rights Act, 2005 hnuaia din a ni a. Parliament dan siam hnuaiah hian Mizoram Sorkar chuan a taka kalpui thei turin “The Mizoram State Commission for Protection of Child Rights Rules, 2017” a siam a, hemi hmang hian MSCPCR chu February, 2018 thla khan din a ni.
MSCPCR thurin leh a innghahna bulpui ber chu – “PROTECTION OF CHILD RIGHTS & “BEST INTEREST OF THE CHILD” a ni.
MSCPCR HNATHAWH TLANGPUI LEH A MAWHPHURHNA TE:
Naupangte dikna leh chanvo (Child Rights) humhalh leh venhim a ni. Naupang laka pawikhawihtute chungthu rang taka relfel a nih theihna tur te, naupangte dikna leh chanvo humhalhna dan dinglai te tha tak leh awmze neia kenkawh a nih theihna tura a tul anga vil zui leh a tul apianga sorkar hnena thurawn pekte a ni. Ram danpui – Constitution leh UN Convention on the Rights of the Child in a tarlan anga Sorkarin dan a siam leh Policy leh Programme a duante bakah Sorkar inrelbawlna kalphung hrim hrimte naupangte dikna leh chanvo humhalhna lam hawi a nih theihna tura vil zui te a ni.
Dan dinglai te zirchiangin, Convention on the Rights of the Child mil turin a Tul angina thil a chhui chiang ang a, dan dinglai leh duan mekah te naupangte dikna leh chanvo humhalh anih theihna turin a tul angina Sorkarah rawtna a thlen thin ang.
Naupangte emaw, a kaihnawih tute emaw, an aiawhte emaw, mipui nawlpuiin emaw Media lamah emaw naupangte dikna leh chanvo humhalh a tulna lam tarlan a nihin a tul angina a chhui chiang ang.
Zirna-In ah te naupangte dikna leh chanvo humhalh a nih theihna turin hma a la a ni.
Naupangte dikna leh chanvo tih bawrhban sakna kaihhnawihah sawiselna (complaint) lut te naupangte tana tha ber tur ngaihtuahin a chingfel thin a ni.
MSCPCR THUNEIHNA:
The Commission for Protection of Child Rights Act 2005, Section 14 (1) in a tarlan angina Commission hian naupangte dikna leh chanvo laksakna thila zawhna chhanna (inquiry) a lak chuan, Code of Civil Procedure 1908 hnuaia Civil Court thuneihna ang pek a ni a, chumi ang chuan mi tu pawh commission hmaa inlan tura koh theihna te, finfiahna (evidence) lakkhawm, etc. te ti thei tura thuneihna pek a ni. Commission hian a kuta lut thubuai engpawh Magistrate hnenah a hlanchhawng thei bawk a ni.
