February 4, 2020 khan rilru tawt leh hrehawm tihbuai lova zirlaiten exam ṭha taka an hmachhawn theih dan tur sawi hona Aizawlah buatsaih a ni.


National Commission for Protection of Child Rights, NCPCR bultum-a Mizoram State Commission for Protection of Child Rights leh School Education Dept ṭangkawpin an buatsaih, 'Pariksha Parv 2.0' tia vuah sawihona-ah hian mithiam bikten exam kaihhnawiha zirlaiten riru tawt lutuk vanga harsatna an tawh theih dan leh a sutkian dan turtean sawifiah a, NCPCR consultant Pi Ratna Saxena bakah Mizoram University Psychology Dept. hotu Prof. HK Laldinpuii Fente, Civil Hospital Aizawla Psychiatrist Dr Ruth Lalmuanpuii ten zirlai kalkhawmte leh school principal leh headmaster kalkhawmte an zirtir a ni


Mithiamte sawi danin, ram chhung hmun dangah zirlai tam tak exam kaihhnawih rilru hah vanga mahni intihlum awm ṭhin mahse Mizoramah chuan hetianga mahni nunna la duh khawpa harsatna tawk an la awm lo a, hetihlai hian zirlai tam takchhan 

hrang hrang avanga rilru lama harsatna tawk an awm thung a niMithiamte sawi danin, exam kaihhnawih riru tawt leh hah vanga harsatna pumpelh thei tur hian nu leh pa, zirtirtute leh zirlaiten mawhphurhna hrang an nei ṭheuh a, rilru tawtna, Stress tia sawi chu mitinin an neih, a tawk chauha sang anih chuan hmanraw ṭangkai tak a nih thu te, a tawk aia sang a nih erawh chuan taksa leh rilru in a tawrh theih thu te, stress sang lutuk tur laka inveng turin mahni thil thlir dan herrem thiam a ṭul thu te mithiamte hian an sawi.


Khuallian, Pi Esther LalruatkimiSchool Education Secretary chuan naupangte chu thil ti dik vek tura beisei chi an nih loh thu leh an tlin tawk baka nasa taka nawr tur an nih loh thu a sawi a, zirlaiten nuamti taka an zirlai ṭhahnemngai taka an zir theihna turin zirna boruak \ha siamsak an ṭul tih a sawi.


Pi Esther Lalruatkimi, Secretary, School Education Departmen chuan zirna kaihhnawih-a a mamawh apiangten an biak pawh theih tur RTE Helpline chu tlangzarh nghal a, helpline telephone number 60098 88804 hi MSCPCR-in zirna kaihhnawiha hartsatna nei leh thu thlen duh neiten engtiklai pawha an biak pawh theih tura ruahman a ni.

Pariksha Parv 2.0 puala sawi hona buatsaih-ah hian MSCPCR member, education changtu Dr Julie Remsangpuii Fambawl kaihhruaiinhuamzau taka sawi hona hun hman a ni bawk.


Materials presented:

NCPCR Pariksha Parv 2.0.pdf

OVERCOMING STRESS.pdf

PSYCHOLOGICAL ASPECTS OF EXAM STRESS & TEST ANXIETY.pdf

RTE and CHILD RIGHTS COMMISSION.pdf

SAFETY & SECURITY OF SCHOOLS IN MIZORAM - RESEARCH FINDINGS.pdf