POCSO Dan, Section 39-na ina a phut ang in - Naupang khuaikhem leh pawngsual tawk tena Court-a Evidence an pek hma leh an pek huna harsatna a awm loh na’na a tuartu naupangte lo fuih a, lo thlamuan a, huaisenna an neih theihna tura lo buatsaih \hin tur mithiam bik - Naupang rilru, taksa leh a kaihhnawih subject zir chhuak leh zirbingnate lo nei tawh, Psychology emaw Social Work emaw lama thiamna bik nei te pawimawhna leh heng mite hi mamawh an nih nasat zia chungchang & JJ Dan leh JJ Rules, 2022-a Amend a nih hnu a inkaihhruaina hrang hrang awm te zirhona hun NCPCR leh MSCPCR \angkawp-in an buatsaih
Ni 10.10.2024 (Ningani):
National Commission for Protection of Child Rights (NCPCR) leh Mizoram State Commission for Protection of Child Rights (MSCPCR) tangkawp chuan Vaivakawn Cultural Centre cum Auditorium, Aizawl ah “One Day State Level Sensitization cum Consultation Workshop on Support Persons W.R.T Section 39 Of POCSO Act, 2012 in Mizoram” tih leh “Provisions of Juvenile Justice (Care and Protection of Children) Act 2015 with its Model Amended Rules 2022 in Mizoram” tih thupuite hmangin zirhona hun a buatsaih sak a.
He zirhona hi Pu Lallianzuala Chawngthak, MSS, Superintendent, MSCPCR chuan he zirhona a kalkhawm te lawmna thu a sawi a; Khuallian, Pi Lalengvari, MSS, Secretary, MSCPCR chuan he zirhona programme khuhhaawnna a nei a, MSCPCR hnathawh hrang hrang leh mandate te kalkhawm hrilhin, MSCPCR hmalaknain Aizawl District Court-ah Child Welfare Officer’s Room leh Children’s Room te naupang chhan hrang hrang avanga Court-a kal ngai te tan siam a ni a, Mizoram Police nen pawh thawh hona \ha tak MSCPCR chuan neiin, JJ Act hnuaia naupang kaihhnawih Report hrang hrang te pawh Superintendent of Police-te hnen atangin dawn \hin a ni bawk. MSCPCR chuan Special Juvenile Police Units (SJPUs) te leh Child Friendly Police Station-te pawh a monitor reng bawk a ni a ti a; MHIP te nen pawh thawhhona tha tak neiin, kum tling lo Domestic Workers a chhawr chungchang ah leh ram pawna thawn chhuah an nih chungchangah te consultation meeting te pawh a lo nei tawh a; Law Enforcement Department te leh NGO te nena \ha taka kan \an ho chuan kan rama naupangte tan nasa takin hma kan sawn theih a rin thu a sawi. Tin, Pi Lalengvari chuan naupangte enkawl leh venhimna kawngah nu leh paten mawhphurhna lian tak kan nei a ni a ti a, naupangte dikna leh chanvo humhalh kawngah hian awareness theh darh kawngah MHIP member zawng zawng ten mahni chhungkua leh khawtlang \heuh ah mawhphurhna pawimawh tak an nei a ni a ti bawk.
He Workshop hi Thupui 2-a \hen niin, Thupui 1-na hi Bung 2-a \hen leh a ni a, a Bung 1-na hi Pi Lalhmingchhuangi, Child Welfare Officer/Probation Officer, MSCPCR chuan “An Overview of Legal Process under the POCSO Act, 2012 with emphasis on the need for Support Persons Post Rescue of a POCSO Victim and Compensation and Rehabilitation of victim of child sexual abuse” tih hmangin zirtirna a pe a; a Bung 2-na hi Pi Sonakshi Radhika, Consultant Juvenile Justice Division, NCPCR chuan “Salient Features of NCPCR Guidelines on Support Persons w.r.t Section 39 of POCSO Act, 2012” hmangin zirtirna a pe a ni.
Thupui 2-na hi Pi Sonakshi Radhika, Consultant Juvenile Justice Division, NCPCR vekin “Salient Provisions and Overview of the JJ Act, 2012 and Amendments in JJ Rules, 2022” tih thupui hmangin zirtirna a pe bawk.
He zirhonaah hian Home Department atangin Police te, WCD hnuaia Child Care Institutions (CCIs) Staff te, District Child Protection Unit a\angin Support Person te, MHIP member te leh zirlaite an tel a, naupang khuaikhem leh pawngsual tawk te; naupang a bik a venhim, \anpui, enkawl leh chhanchhuah ngai te leh; naupang Dan nena in rem lova awm te tana inkaihhruaina Dan he zirhona a kal te hian an zir a ni.
