PRESS COMMUNIQUE
THUHMAHRUAI:
India hi United Nations Convention on the Rights of the Child (UNCRC) pawmtu zinga mi a ni a, naupangte dikna leh chanvo humhalh kawnga hmalakna peng tam tak zingah “The Commission for Protection of Child Rights (CPCR) Act, 2005” chu India Parliament in a pass a, he Dan-in a phut angin National Commission for Protection of Child Rights (NCPCR) din a ni a, State hrang hrangah State Commission din chhoh niin, “Mizoram State Commission for Protection of Child Rights (MSCPCR)” chu kum 2018 kumtir lam khan din a ni. Naupangte dikna leh chanvo humhalhna Dan chi hrang hrang kenkawh dan vil zui te, a tul apianga sorkar thurawn pekte chu State Commission din chhan a ni.
MSCPCR Chairperson, Member leh Secretary ni lai mek te:
Chairperson : Pu Jimmy Laltlanmawia
Members :
1) Pu R. Lal\anpuia
2) Pu Dar\hakunga leh
3) Pi Vanhmingliani
Secretary : Pi Lalengvari, MSS
Heng bakah hian Officer leh thawktu dang mi 18 an awm mek bawk a ni.
MSCPCR MAWHPHURHNA LEH THUNEIHNA:
Sorkarin Dan a siam te, policy leh programme a duan te bakah, Sorkar inrelbawlna kalphung reng reng naupangte dikna leh chanvo humhalhna nen a inmil em tih lo vil reng chu he Commission mawhphurhna a ni. Heng bakah hian, naupangte dikna leh chanvo humhalhna Dan dinglai te a \ha tawk em tih zirchian te, a \ul ang zela Sorkar finchhuah leh Sorkar a rawtna thlen te, naupangte dikna leh chanvo bawhchhiatna a lo thlena an thlavang hauhsak te, naupang \anpui ngai apiang \anpuite chu Commission hnathawh tur langsar zualte a ni. Naupangte dikna leh chanvo rahbehsakna a lo thlenin, complaint lut kher lo pawh nise, Suo Motu in Commission hian hma a la nghal thei a ni.
State Commission hi Civil Court thuneihna pek a nih angin mi tupawh a hmaa inlan tura koh theihna te, thuhretute thusawi lakkhawm te, record leh document engpawh lakchhuah theihna te a nei a, thubuai eng pawh Magistrate hnenah a hlan chhawng thei bawk.
Naupangte dikna leh chanvo humhalhna Dan dinglai tam tak zingah - “The Juvenile Justice (Care and Protection of Children) Act, 2015”, “The Protection of Children from Sexual Offences (POCSO) Act, 2012” leh “The Right of Children to Free and Compulsory Education (RTE) Act, 2009” te hi a langsar zual an ni a. Heng bakah hian kumtlinglo inneih te, naupang hnathawka chhawr luih chungchang te, naupang hriselna lam leh sumdawn nan a naupang hman (Child Trafficking) chungchang te hi Commission chuan a ngai pawimawh ani.
Mizoram mipui nawlpuiin naupang enkawl kawngah nasa takin hma kan sawn laiin naupang pawikhawihtute laka mipui nawlpui rilru puthmang erawh siam\hat a la ngai nasa hle. Naupangte humhalhna Dan \ha tak tak kan neihte hi naupang ti hluhlangtu leh ti pawngpawrhtu ang deuha ngai kan la awm hi a dik lo a ni. Naupang kum 18 la tling lo te hian pawi an khawih anih pawhin 'hrem tur an ni lova, siam\hat tum tur an ni' tih hi khawvelin a pawm dan leh tuna kan Dan hmanlaiin a tum ber pawh a ni.
Chhungkua leh khawtlang nuam leh ralmuang hian ram hmasawnna ruhrel a keng tel a chumi a mawhphurtu lian tak chu naupangte seilenna hi anih avangin kawng tinrenga hma an sawn a, an nun khawchhuah theihna tur remchang siamsak te, an dikna leh an chanvo \ha taka humhalh sak te, an duhzawng leh an vei zawng an sawi chhuah ve theihna tura remchang siamsak te hi kan vaia mawhphurhna a ni.
MSCPCR HMALAKNA LANGSAR ZUAL TE:
1. Monitor & Inspect Child Welfare Committees (CWCs) Juvenile Justice Boards (JJBs), Special Juvenile Police Units (SJPUs)/Child Welfare Police Officers (CWPOs), Child Friendly Police Stations (CFPSs), Child Care Institutions (CCIs), Schools, School Hostels, Mid-day Meal, School Canteens, POCSO Victims Examination Rooms in Hospitals, Paediatric Care Services in Hospitals, Children of Women Prisonsers, Anganwadi Centres, Hotspots of prevalence of Child Labour in and around Aizawl City, etc.
2. POCSO Victim te tan FIR kher lova Medical Examination Hospital zawng zawnga tih a nih theih nan MSCPCR chuan hma la in, Health & Family Welfare Department chuan Office Order a chhuah (No.C.18019/1/2024-PD/HFW)
3. MSCPCR in monitoring leh inspection a neih a\anga observation/recommendation a neih te School Education Department-ah a thehlut a, he recommendation zulzui hian Education Department pawhin hmalak tumin ruahhmanna an siam mek a ni
4. Launched RTE Helpline – 60098 88804 (Sikul luhnaa harsatna neite tana complain thehluh na)
5. Established “Children’s Room” & “Child Welfare Officer’s Room” at Aizawl District Court
6. Conduct Awareness campaign on Child Rights
7. Take up cases and summon child rights violators
8. Published Research Book on “Safety and Security of Schools”
9. Published Book on “Child Rights Information & Resource Directory” (Naupang dikna chanvo kaihhnawih inkaihhruaina)
10. POCSO Victims Compensation pending chungchanga hmalak pui
