24 January, 2020 khan National Commission for Protection of Child Rights (NCPCR) leh Mizoram State Commission for Protection of Child Rights (MSCPCR) tangkawp buatsaihin Aijal Club ah nau piang hlim leh naupang hriselna enkawl chungchang sawihona leh inrawnkhawmna “State level Review meeting cum Consultation on Available Facilities and Status of New Born and Paediatric Care in Mizoram-analysing the gaps and steps to improve quality of care” neih a ni a, Health & Family Welfare Minister Dr. R. Lalthangliana’n he hun hi a hmanpui a ni.
Health Minister in Mizoram chhung hmun hrang hrang atanga nu leh naute hriselna enkawl a venpuitu kalkhawmte chu an hnathawh pawimawhzia leh ropuizia hre nawn fo thin tura chahin an thawhrimna rah pawh kan hmu chho zel a ni a ti a. Nausen kum khat an tlin hma a thi zat (Infant Mortality Rate)
pawh naupiang 1000 zela 27 atangin 15 ah a tla thla tawh a, hei hi national average naupiang 1000 zela 34 aiin a hniam hle tawh a, hei aia tlahniam leh tur hian nu in nau a pai atangin uluk taka enkawl a theihtawp chhuah leh a pawimawh a ni a ti a. Raicheha thi zat pawh kum hmasa ah 29 an awm laiin kumin kum kal mekah 8 an ni a, raicheha thi an awmloh nan tan nasa lehzualin kan la dawn a ni a ti.
Thingtlang hriselna atan nasa taka tanlak a nih thu sawiin Minister chuan Health Sub-centre enkawltu tur pawh uluk taka training perk zel an ni a ti a, heng sub-centre te hi B.Sc (Nursing) zir zo tawh ngeiin an enkawl zel tawh dawn a ni a ti. District Hospital zawng zawngah Paediatrician (naupang daktawr) leh Gynaecologist (hmeichhe daktawr) dah a nih thu leh Primary Health Centre (PHC) zawng zawngah daktawr dah kim a nih thu sawin mamawh belh tam tak kan la nei a, theihtawp chhuahin tan kan la zel dawn a ni a ti. Aizawl Civil Hospital naupang ward ah naupang pual Intensive Care Unit (ICU) dah tum a nih thu leh Aizawl Civil Hospital-a ICU pawh kumin chhung ngei a khum 10 tal leng tura siam a nih tur thu a sawi bawk.
Review meeting cum Consultation hawnna inkhawmah hian Pi Shaista K. Shah, Senior Technical Expert, NCPCR leh Pi Sangzuali Vanchhawng, Chairperson, MSCPCR te pawhin thu an sawi a, chawhnu lamah Dr. Lily Chhakchhuak, SPO, RMNCH+A, Dr. TC Hmingthangi, SNO, RBSK leh pi Zonunpari Sailo ten “Situation
Analysis-Available facilities, schemes and Status of New Born and Paediatric care in Mizoram” tih thupui hmangin zirtirna an pe a, Dr. Lalchhuankimi, HoD, Paediatric Department, Aizawl civil hospital hnen a\angin “Best practices in paediatric care and recommendations to improve” thupuia hmangin zirtirna ngaihthlak a ni.
