Ni 26, Zirtawpni, September, 2020 khan Chaw tha ei pawimawh zia ram pum huapa inzirtirna POSHAN ABHIYAN chungchang Mizoram State Commission for Protection of Child Rights (MSCPCR) in an zirho.
Zirhona-a tarlan anih dan chuan Poshan Abhyan hi sorkar laipuiin programme a ngaih pawimawh bik zing ami a ni a, kum 2018 March ni 8 khan hawn a lo ni tawh a, September thla hi zau zawka mipui zirtir beihpui thlakna thla atan, Poshan Maah tia vuahin hman mek a ni. Naupang, tleirawl, naupai leh hnute pe lai nu ten an mamawh ang chaw tha ei tur an hmuh theihna tura hmalak chu he hmalaknain a tum ber a ni a, MSCPCR in zirhona a buatsaihah hian Case worker Pi Varte Varthanpuii'n Poshan Abhyan kalphung leh thil tumte a sawifiah a, naupangte hriselna chungchang sawitu MSCPCR Member Pi K Malsawmzuali chuan naupangte hriselna tih chuan an taksa hriselna bakah an rilru leh ngaihtuahna te, mipuitlinga an lo thanlen theihna turte pawh a huam a ni a ti. Zir honaah hian MSCPCR Secretary Pi Lallianpuii pawhin thu a sawi a ni.
