Aizawl District chhunga naupang a bika enkawl, chhanchhuah leh venhim ngaite enkawlna chungchang ah MSCPCR chuan MSCPCR Conference Hall ah naupang a bika enkawl, chhanchhuah leh venhim ngaite chungchang relsaktu Child Welfare Committee (CWC), Aizawl District nen inkawm hona a buatsaih a. He hunah hian MSCPCR hotute bakah Pu Lalbiakzama, Chairman, CWC leh CWC Member pali (4) te – Pi Malsawmthangi, Pi K. Lalremruati, Pu Lallianmawia Tlau leh Pu Robert Lalduhzuala te an tel a ni.
He inkawm hona ah hian naupang Child Care Institutions (CCIs) a dah luh dan chungchang leh chhungkua a an let leh dan turah hmasawn lehzualna awm thei te sawiho a ni. Tin, CCI a naupang awmten zirna an dawn a khaihlak loh na turin a tul anga hmalak tlan ni se an ti a; Tin, naupangten an Sikul luhna ah harsatna an tawk emaw Dan nena inrem lova khawsa an lo awm a, naupang tana tha thei ang ber a hmalak a nih theih nan Sikul ah awareness nasa leh zuala kalpui dan ngaihtuah zel ni se an ti bawk.
POCSO case la rel fel loh chungchang sawiho a ni bawk a, a rang thei ang a chinfel a nih theih nan hma lak zui zel ni se an ti bawk.
Inkawm hona hi MSCPCR Chairman, Dr. C. Lalsangzuala’n a kaihruai a, MSCPCR leh CWC ten a tul dan azirin Joint Inspection/Joint Visit te neih thin nise, naupang tanpui ngaite leh humsual daiten an chanvo an chan ngei theihna turin a tulna apiangah thawh ho zel nise an ti a ni.
