Dated Aizawl, the 9th October, 2024 (Wednesday):
National Commission for Protection of Child Rights (NCPCR) leh Mizoram State Commission for Protection of Child Rights (MSCPCR) tangkawp chuan Tourist Lodge, Chaltlang-ah One Day State Level Workshop on “Counselling Essentials and Mental Health Needs of Children in Educational Institutions/Child Care Institutions (CCIs) of NER (Mizoram)” tih thupui hmangin naupang enkawlnaa thawk te tan zirhona hun a buatsaih sak a, Pi Baryl Vanneihsangi, Hon’ble MLA chuan khuallian niin a tel pui.
He hunah hian khuallian, South-3 bial tu MLA, Pi Baryl Vanneihsangi MLA chuan thu sawiin Child Care Institutions (CCIs)-a thawkte leh naupang enkawltute hian mawhphurhna sang tak an nei a ti a, naupangte hma lam hun atana an thawh na hi a thlawn dawn lo tih a sawi. Khuallian chuan vawiin a workshop an neih hian rah tha a chhuah a beisei tih sawiin, rilru lama harsatna nei te chunga kan ngaihdan diklo neih thin te tih bo a \ul tih sawiin, kan chhungril hriselna kan ngaih pawimawh a ngai hle a ti a; Puitling zawk pawhin harsatna hmachhawn harsa kan tih lain, naupangte phei chuan sawi chhuah dan te an thiam loh \hin avangin an harsatna te hmuhpui leh hriatthiam pui an ngai hle a; Naupangte chanvo kan hriat a, an tan theihtawp kan chhuah a, a \ha thei ang ber zir chhuak turin kalkhawm te a chah a ni. Mizoram-ah naupang humsual dai leh nu leh pa enkawltu mumal neilo enkawlna hmun CCI-a naupang awm te hi a bikin ngaihtuah an ngaih thu a sawi a, an mahni enkawl turin chhungrila harsatna an tawh te hriatthiam pui a ngaih thu a sawi bawk.
He zirhona hi Pi Lalengvari, MSS, Secretary, MSCPCR chuan a kaihruai a; Pu Jimmy Laltlanmawia, Chairperson, MSCPCR chuan Workshop-ina a thil tum leh MSCPCR hmalakna pawimawh te programme khuhhawnnan a sawi a, Pi Zonunthari, MSS, Joint Secretary chuan SW,TA & WCD Department aiawhin thusawina hun neiin, Department hmalakna leh hnathawh hrang hrang te sawi na hun a nei bawk.
He Workshop hi Session 2-a \hen niin, Dr. Robert L. Khawlhring, MD (Psychiatry), State Nodal Officer, State Mental Health Programme, Dept. of Health & Family Welfare chuan “Existing Programmes and Policies in State to address Mental Health needs of Educational Institutions & CCIs” tih thupui hmangin zirtirna a pe a; Pu Lalawmpuia, Clinical Psychologist, Department of Psychiatry, Zoram Medical College (ZMC) chuan “Identifying Mental Health Issues of Children in Educational Institutions/CCIs and Role of Counsellor and Staff” tih leh, “Counselling Essentials Best Practices for strengthening of Counselling and rehabilitation in Educational Institutions/CCIs and the road ahead” tih thupui-te hmangin zirtirna a pe bawk a ni.
Pi Charvi Sethi, Psychologist, NCPCR chuan Resource Person pahnih te zirtirna khaikhawmna a nei a; Pu Lallianzuala Chawngthak, MSS, Superintendent, MSCPCR chuan kalkhawmte chungah lawmthu sawiin Workshop kharna hun a hmang bawk a ni.
He zirhonaah hian School Education Department a\ang te, Women & Child Development hnuaia CCI enkawltute, Health Department Official-te leh NGO-te an tel a, naupang enkawlna atana an thil zir thar leh zir belh te an hlawkpui hle a ni.
