Dated Aizawl, the 16th August, 2024:
Mizoram State Commission for Protection Child Rights (MSCPCR) Chairperson, Pu Jimmy Laltlanmawia leh Member ten Special Home leh Observation Home, Durtlang, Aizawl te an tlawh. Home Superintendent-te leh Staff ten Commission an lo dawnsawn danah an lawm hle a, Commission Chairperson chuan vawiina Commission ina Home a tlawh hi, Commission Chairperson leh Member thar te fehchhuahna hmasaber a nih angin, in hmelhriattirna ni pah fawmin naupang Dan nena inrem lova che te enkawlna hmun leh hma te enkual tura kal an nih thu a sawi bawk. Heng home an tlawh lai hian Mipa awmna Special Home-ah naupang 18 an awm a; Mipa Observation Home-ah naupang 8 an awm bawk a; Hmeichhe Special Home leh Place of Safety-ah naupang 8 an awm mek bawk.
Observation Home leh Special Home-a awm mek naupangte nen inkawmhona hun tha tak neiin, Naupang ten an chhuah huna nunkawng tha an zawh zel theih nan eizawnna leh zirna ngaihpawimawh a tul zia te hrilhin, helaia an awm chhunga an thil zir ang ang te taima taka zir chhunzawm zel turin Chairperson chuan naupangte a fuih bawk.
