MSCPCR chuan vawiin khan Aizawl Municipal Corporation (AMC) bawlhhlawh sawngbawlna hmun a naupang bawlhhlawh chhar thin an awm thu hria in, hemi chungchang hrechiang tur hian April ni 24, 2023 hian a hmunah Dr. Julie Remsangpuii Fambawl, Member, MSCPCR ho in an enfiah.
The Child Labour (Prohibition and Regulation) Act, 1986 chuan naupang kum 18 hnuailam te hnathawka chhawr a phal lo a. An hriselna leh nun khawchhuahna atana hlauhawm hmunah te phei chuan eng ah mah telve tir a phal lo a ni.
AMC lamin hma an lo lakna azarah bawlhhlawh sawngbawlna hmunah hian naupang kal thin pawh an lo awm tawh ngai mang lo va. Commission in a hmun an tlawh lai pawh hian naupang hmuh tur an awm lo a, a lawmawm hle a ni.
Heti ang a danin naupangte an than dan tur tithuanawp thei laka a venhim lai hian naupang thenkhat erawh retheihna avang te, hriat tawk lohna avang te, nawr luihna avang te in hna thawhtir an lo ni fo thin.
MSCPCR chuan naupangte an lehkhazirna leh an nitin nun nuam taka an hman tur ti khaihlak thei laka venhim hi a ngaipawimawh em em a, heti ang laka naupang chhanchhuak tur hian theihtawpin hma a la mek zel a ni.
