MSCPCR leh MHIP Gen. Hqtrs. Hruaituten Consultation Meeting an nei
Dated Aizawl, the 12th September, 2024 (Thursday):
Mizoram State Commission for Protection of Child Rights (MSCPCR) leh Mizo Hmeichhe Insuihkhawm Pawl (MHIP), General Headquarters, Aizawl te chuan SAMETI Committee Hall, Directorate of Agriculture, Tuikual South, Aizawl-ah Consultation Meeting an nei.
He Consultation Meeting hi Pu Jimmy Laltlanmawia, Chairperson, MSCPCR chuan a kaihruai a; Pi Lalengvari, MSS, Secretary, MSCPCR chuan in hmelhriattirna hun a hman zawh ah MSCPCR chanchin, hnathawh leh a thil tum te hrilhhriatna hun hmangin ngaihthlak ho a ni.
Pi Lalliani, MHIP, Gen. Secy. chuan in hmelhriattirna hun hmangin, Pi Khawlrinpuii, MHIP, Executitive Committee Member hnen atangin Report tawi ngaihthlak a ni bawk.
Pi Priscilla Lallawmsangi, Legal Officer, MSCPCR chuan “Domestic Workers Welfare and Social Security Act, 2010” leh “Illegal Female Migrant Workers in Mizoram” tih thupui hmangin zirtirna a pe a; he mi kawnga Dan leh dun inzirtirnate zau zawka mi nawlpui hnena awareness neih a tul thu sawi ho a ni a, TV, Radio, Internet leh Internet Social Media te hmang tangkai chunga in zirtirna chhuah tam leh thawn darh tam a that thu te an sawi ho. Tin, a bik takin, Aizawl khawpui chhungah hian awmpui atana naupang, Sikul kai rual kawl an tam hle tih vantlang hriat a ni a, Awmpui chhawr leh kawl, an hlawh bituk chungchangah te leh inkaihhruaina Dan awmsa tha taka zawm hi mipuite mawhphurhna a nih zia te sawi ho a ni.
Pu Jimmy Laltlanmawia, Chairperson chuan “Aizawl Bazaar hmunpui leh Mizoram khaw hrang hrang Bazaar-ah te Naupang Nu te’n hna an thawh laia naupangte him leh hlim taka an lo awmna tur, Nau awmna hmun (Creche)” chungchang sawifiahna neiin, sawi hona hun a hawng a, MSCPCR chuan Creche mamawhna a san zia leh naupangte himna atan MHIP tena hma an lak theih chuan a that tur thu MHIP hruaitu kalkhawm te chu fin chhuahin, he’ng a chunga tar lan tak thupui hrang hrang sawi hona atang hian hmalak dan tur hrang hrang sawi ho a ni a, MSCPCR leh MHIP te chu naupang dikna leh chanvo humhalhna kawnga thawh ho chhunzawm zel a pawimawh thu an sawi bawk.
Pu R. Laltanpuia, Member, MSCPCR chuan kalkhawmte chungah lawmthu sawiin hun a khar.
He Consultation Meeting-ah hian MHIP General Headquarters atangin Pi Ngurmawii Sailo, President; Pi Lalliani, General Secretary; Pi P.C. Chuaudingliani, Finance Secretary; Pi F. Lalramliani, Assistant Finance Secretary; Pi Khawlrinpuii, Executive Member; Pi Lalmuankimi, Executive Member te an tel.
