Ni 16.05.2024 (Ningani) chawhnu dar 3 khan Pi Lalrinpuii, Hon'ble Minister, SWTA & WCD Office Chamber ah Minister hovin Health Department Hotute, WCD Hotute, Mizoram State Child Protection Society Hotute leh MSCPCR Chairperson, Member te leh Officer ten Mizoram State chhunga POCSO victim/survivor te Damdawi-In leh Health Facility hrang hrang a Medical Examination neih dana hmasawnna tur hrang hrangte sawihona hun an nei a, hmalak zel dan tur te relin ruahmanna te an siam bawk.
POCSO Victim/Survivor te hian Section 27, POCSO Act, 2012 hnuaia Dan in a sawi angin chanvo sang tak an nei a, misual hursualna kut an tawrh tawh piah lamah Medical Examination an la paltlang a ngai fan a, heti ang hunah hian Doctor leh Damdawi lama mithiamtena a tuartu naupangte tana awlsam, remchang zawk leh huphurhawm lo zawnga khawngaihna nen felfai leh uluk taka an lo dawnsawn theihna'n kalkhawmte chuan hmasawnna tur kawng awm te an thlir hova, tun aia tha zawka Medical Examination kalpui a nih theihna turin ruahmanna te an siam bawk.
He meeting thutkhawm ah hian MSCPCR atangin Dr. C. Lalsangzuala, Chairperson leh Dr. Julie Remsangpuii Fambawl, Member; Pu R. Laltanpuia, Member; Priscilla Lallawmsangi, Legal Officer leh Pi Varte Varthanpuii, State Child Rights Coordinator te an tel.
