Mizoram State Commission for Protection of Child Rights (MSCPCR) chuan National Commission for Protection of Child Rights (NCPCR) lehkha No. 2403/15/2017-JJ/NCPCR, Dated 30th July, 2018 bawhzui in Mizoram State chhunga Child Care Institutions (CCIs) zawng zawng ah te Inspection a kalpui a. September 10, 2018 khan The Salvation Army Motherless Babies Home, Salvation Temple, Tuikual, Aizawl leh Mizo Hmeichhe Tangrual Motherless Babies Home, Khatla, Aizawl te an tlawh hmasa ber a. September 10, 2018 atanga October 24, 2018 thleng khan CCI (52) ah leh District Jail (8) zawng zawng ah te Inspection hi neih an ni. CCI Inspection neih rual hian District hrang hranga Police Station ah te Child Friendly Corner siam tawh te chu endik nghal a ni a. Tin, Child Friendly Corner Police Station zawng zawnga la siam ve lo te chu siam vat tura hma la tura hriattir nghal an ni.
MSCPCR Inspection team chuan District Headquarters (Aizawl, Lunglei, Siaha, Champhai, Kolasib, Serchhip, Lawngtlai, Mamit) zawng zawng ah Inspection kalpui pahin Chanchinbu mite leh thutharthehdarhtu te Press Meet a neihpui thin a. Naupangte leh a kaihhnawih thila Sorkar hmalakna te, Mizoram chhunga CCI dinhmun te, District Jail a nuapangte dinhmun leh inenkawl dan te leh a dangte sawiho in zawhna leh chhanna hun te siam in Chanchinbu mite hnenah report kimchang tak a pe a. Chanchinbu mite chu naupangte dikna leh chanvo humhalhna kawnga tun aia nasa zawk a hma la chhunzawm turin leh naupangte dikna leh chanvo humhalhna kawnga thawhpui ah a sawm nghal tel bawk thin a ni.
Inspection Team ah hian MSCPCR Chairperson (Sangzuali Vanchhawng), Members (Dr. Julie Remsangpuii Fambawl, K. Malsawmzuali, J. Malsawmzuala Vanchhawng), Counsellor (Francis Lalthaenga), Case Worker (Varte Varthanpuii) leh Outreach Social Worker (C. Lalduhawma) te an tel a ni. 
