Ni 20.07.2023 (Ningani) khan Mizoram State Commission for Protection of Child Rights (MSCPCR) Member, Dr. Julie Remsangpuii Fambawl leh Officer te chuan Manipur aTanga Zo-hnahthlak raltlan te awmna Sorkar ina hmun hrang hranga siam Relief Camp - BSUP Edenthar, Art & Culture Convention Centre leh Tourism Convention Centre, Berawtlang a naupangte dinhmun hre chiang turin a hmunah an tlawh a. Tun dinhmunah chuan BSUP Edenthar-ah naupang 40 awmin, Art & Culture Centre-ah naupang 10 an awm a, Tourism Convention Centre-ah naupang 27 an awm mek bawk a ni.
Sorkar, mimal leh pawl hrang hrangte atangin raltlan te chuan ei leh in tur leh mamawh chi hrang hrang an dawn thin thu an lo sawi a. Naupangte hian zirlai an bahlah lohna turin Zirlaibu an mamawh a, an hriselna lam pawh hei aia uluk zawka viltu an mamawh bakah mithiam bikte hnen atangin psychological-counselling an mamawh hle bawk a ni tih a hmuna tlawhtute chuan an hmu a ni.
