Covid 19 Lockdown chhungin HURSUALNA LEH ZAHMAWH LAMPANG THIL A NAUPANG INTERNET-A PHOLANNA (ONLINE CHILD PORNOGRAPHY) a hluar nasa hle
April, 2020 chhung khan INDIA CHILD PROTECTION FUND, New Delhi chuan “CHILD SEXUAL ABUSE MATERIAL IN INDIA – REPORT ON DEMAND FOR CHILD PORNOGRAPHY & PILOT DETERENCE USING ARTIFICIAL INTELLIGENCE” zirchianna a nei a, he zirchiannaah hian Covid 19 Lockdown chhung in hursualna leh zahmawh lampang thil a naupang internet-a pholanna (Online Child Pornography) leh heiang thil internet-a entu leh zawngtu an hluar nasa zual tih hmuchhuah a ni.
Lockdown chhung hian naupang khuaikhem ching te, naupang pawngsual ching te, naupang chunga zahmawh leh hursualna leh hleihlenna lanna video leh an thlalak internet-a zawng thinte chu maktaduai tamtak in an pun belh tih hmuh chhuah a ni a, hur sualna leh zahmawh lampang thil a naupangte internet-a pholanna an zawn leh an en nasat avang hian Naupang Computer leh Mobile Phone hmanga Internet khawih \hinte chu he’ng misualte lakah hian Lockdown vuakvetah an him lo zual hle tih hmuh chhuah a ni.
Childline India Helpline in a a tarlan dan chuan India ram pum Lockdown a nih a\anga ni 19 chhung khan Naupang khuaikhem tuar te, hursualna, inrikrapna leh kutthlak tuarte tanpui dilna Telephone call an dawn zat chu Sing kua leh sang hnih (92,000) chuang an tling hman a ni.
INDIA CHILD PROTECTION FUND, New Delhi zirchiannaah hian Mizoram State pawh UT leh State dang 33 te zingah hursualna leh zahmawh lampang thil a naupang Internet-a pholanna (Online Child Pornography) en thin leh browse-a, zawng \hin nasa tak te zingah a lang tel a, Mizoram chhung a\anga hetiang thil en thin leh zawng thinte chuan Virtual Private Networks (VPNs) hmangin Internet an khawihna hmun an thlak kual \hin a, UT leh State dang a\ang daih a online ang te in an in dah daih \hin a ni tih pawh a hmu chhuak a ni.
Hetianga naupangte chunga thil sual ti thinte hian naupangte chu thiam taka thlemin an inneltir hmasa a, chumi hnuah naupangte chu hursualna lam hawia anmahni thla laktirin chung thilte chu a hnu zelah naupang vau behna leh thil sual dang tih chhunzawmtirna hmanruaah an hmang thin a ni. Heti ang suahsualna rapthlak tak lak atanga naupangte an him theihna turin naupangten internet an khawih dan leh online-a hun an hman dan uluk tak leh fimkhur taka vilpui reng turn Mizoram State Commission for Protection of Child Rights (MSCPCR) chuan nu leh pa te leh naupang enkawltute a chah a ni. Misual te’n internet hmanga zahmawh rawngkai zawnga an chhaih buai emaw, an tih buai emaw, chhaih buai leh tih buai tum an awm emaw a nih chuan he’ng a hnuaia tarlanah te hian engtik lai paw’n complain thehluh theih a ni.
MSCPCR Office: Telephone number: 0389 2314828/ 0389 2329587
CHILDLINE 1098
NCPCR Website-a POCSO E-BOX
Mizoram Police Website-a Cyber Crime Portal
Issued by: Mizoram State Commission for Protection of Child Rights (MSCPCR) Dt. 05.08.2020.
